Kumpiyansa ang Department of Health (DOH) na kayang ibalik ng bagong talagang PhilHealth President Dante Gierran ang kumpiyansa at tiwala ng publiko sa PhilHealth.
Ayon kay Health Sec. Francisco Duque III, buo ang kaniyang tiwala na sa ilalim ng pamumuno ni Gierran ay kaya nitong solusyunan, at tuldukan ang korapsyon na bumabalot sa ahensiya.
Sinabi ni Duque, naniniwala naman siya na sapat na ang naging hakbang ni Pangulong Rodrigo Duterte na palitan, at pagbitiwin na lamang sa pwesto si dating PhilHealth President Ricardo Morales dahil sa kontrobersiyang kinahaharap ng PhilHealth.
