Tatapusin na rin ng Department of National Defense (DND) ang iba pang kaparehong kasunduan sa University of the Philippines (UP) sa iba pang unibersidad.
Magugunitang, una nang kinansela ng DND ang kasunduan nito sa UP na naglilimita sa mga sundalo at pulis na magsagawa ng operasyon sa loob ng pamantasan.
Ayon kay Defense Secretary Delfin Lorenzana, kanila nang inaalam ang iba pang eskwelahan na may kaparehong kasunduan at agad umano nila itong kakanselahin.
Giit ni Lorenzana, hindi na nila kinakailangan pang kumonsulta sa mga opisyal ng unibersidad hinggil sa gagawing pagkansela sa kasunduan.
Paliwanag ni Lorenzana, hindi nakakatulong ang naturang kasunduan sa mga estudyante.
Una nang sinabi ng kalihim na sa paglipas ng panahon ay tila naging breeding ground umano ng komunista ang itinuturing na premier state university ng bansa at naging kanlungan pa umano ito ng mga kalaban ng estado.
