Hinihimok ng Department of Interior and Local Government (DILG) ang mga Local Government Units (LGU’s) na payagan ang pagkakabit ng mga tarpaulin na nagdedeklarang persona non-grata ang New People’s Army (NPA) sa kanilang mga lungsod na nasasakupan.
Ang paghikayat ng ahensya ay kasunod ng pag-uutos ni Manila Mayor Isko Moreno na alisin ang mga nakalagay na anti-communist tarpaulin sa Maynila.
Ayon kay DILG Secretary Eduardo Año, walang dapat ikatakot si Moreno kung hindi naman ito miyembro ng komunistang grupo.
Nirerespeto naman aniya ang ilang grupo na nais lamang maghayag ng saloobin na sa sawa na sa karahasan at panggugulo ng NPA.
Giit pa ni Año, seryoso ang National Task Force to end the local communist armed conflict na tapusin ang problema ng insurgency sa bansa.
