Pabor si Interior and Local Government Secretary Ismael Mike Sueno sa panukalang ipagpaliban ang Barangay at SK elections sa susunod na buwan
Ito ang inihayag ng kalihim sa pagharap nito at ni COMELEC Chairman Andres Bautista sa ginawang pagdinig ng Senado hinggil sa usapin
Ayon kay Sueno, magandang pagkakataon ito dahil magagamit ang pondong nakalaan sa eleksyon para sa pagpapatayo ng mga karagdagang rehabilitation centers para sa mga sumukong drug personalities
Sa panig naman ng COMELEC, sinabi ni Chairman Bautista na nakapagpatupad na sila ng mga paghahanda tulad ng procurement ng mga supplies at pag-iimprenta ng mga balota
Gayunman, pagtitiyak ni bautista sa mga Senador, handa sila sa anumang magiging pasya kung itutuloy man o hindi ang halalan sa oktubre
By: Jaymark Dagala / (Reporter No. 19 ) Cely Bueno
