Naging matagumpay ang isinagawang outreach mission ng mga opisyal ng Adamson University-Parents Teachers Association (ADU-PTA) sa dalampasigan sa Morong, Bataan nitong Sabado ng umaga.
Umarangkada ang misyon bandang alas-10:00 ng umaga sa pamamagitan ng pagbibigay ng meryenda at lootbags na puno ng candies sa 80 bata na dumating at sinundan ng pagbibigay ng bigas at groceries sa 25 pamilya na mangingisda sa Barangay Poblacion.
Ito ay pinangunahan nina ADU-PTA President Mer Layson, BED Principal Dr. Daniel Saroca Jr., SHS Principal Dr.Lorna Espeso, ADU-PTA VP Lerma Lunar, Sec. Sheila Kua, Treas. Ella David, at mga directors na sina Jesusa Fernandez, Jhoanne Talisic Queri, Margie Vargas, Majoy Nour, Robert Fajutnao, Ghie-Ann Eclevia, at ilang titser na sina Nea Saulog, Jaimie Eugenio, Micko Nozaleda at Majo Dugan.
Ayon kay Layson, naging maayos at naaayon sa health protocol ang misyon dahil nakipag-coordinate sila sa mga barangay official bago idinaos ang aktibidad na personal ding dinaluhan ni Chairwoman Evengeline De Leon, ilang kagawad at tanod.
Kasabay nito, nagpapasalamat din si Layson sa lahat ng nakiisa at tumulong sa matagumpay na outreach mission.