Kasalukuyang naka-confine sa ospital si Senator Ronald “Bato” Dela Rosa, matapos na magpositibo sa coronavirus disease 2019 (COVID-19).
Magugunitang nakaramdam ang senador ng sintomas ng nasabing sakit gaya ng lagnat, ubo at sipon dahilan para dalin ito sa ospital hatinggabi noong Nobyembre 23.
Gayunman, ayon sa mga staff nito, kasalukuyan nang bumubuti ang lagay ng senador.
Si Dela Rosa ang ika-limang senador na nahawaan ng COVID-19 ngayong taon kabilang na sina Senate Majority Leader Juan Miguel Zubiri, Senator Sonny Angara, Koko Pimentel at Bong Revilla na pawang naka-recover na lahat sa COVID-19.
