Muling pinawi ni Health Secretary Francisco Duque III ang pangamba ng publiko hinggil sa bakuna kontra COVID-19.
Ayon kay Duque, makatitiyak ang publiko na epektibo at ligtas ang mga COVID-19 vaccine na darating sa bansa.
Sinabi ni Duque, walang dapat ipag-alala ang publiko dahil ligtas at dekalidad naman ang bakunang ituturok para sa mamamayan.
Dagdag pa ni Duque, dumaan sa masusing pag-aaral ng Food and Drug Administration, health technology assessment council, vaccine expert panel, at ng Department of Science and Technology.
