Umabot na sa 2,245 ang bilang ng nasawi dahil sa 2019 coronavirus disease (COVID-19) sa buong mundo.
Ito ay matapos na makapagtala ng 115 panibagong bilang ng nasawi sa Hubei Province of China.
Bukod sa China, nasa tatlo na ang bilang ng nasawi sa Japan dahil sa dalawang dumagdag na pasahero ng Diamond Princess na namatay kahapon.
Nananatili naman sa dalawa ang bilang ng nasawi sa bansang Iran at Hong Kong, habang tig-iisa sa Pilipinas, Taiwan, France, at South Korea.
Samantala, magugunitang bumaba ang bilang ng panibagong kaso ng COVID-19 sa Hubei na ngayo’y nasa 411 na lamang, kumpara sa mga nakalipas na araw na umaabot sa libo ang kaso.
