Sumampa na sa 2,856 ang kabuuang bilang ng nasawi sa 50 bansa sa buong mundo dahil sa 2019 coronavirus disease (COVID-19).
Ito ay matapos na makapagtala ang China ng 44 na panibagong bilang ng nasawi.
Umakyat naman sa 83,100 ang naitalang kaso ng COVID-19 sa buong mundo at mayorya dito ay mula pa rin sa China.
Samantala, pinakaapektadong bansa na sumunod sa China ay:
- South Korea na may 1,766 na kaso at 13 patay;
- Italy na may 528 kaso at 14 patay;
- Iran na may 245 kaso at 26 patay; at
- Japan na mayroong 187 kaso at walong patay.
