Inaasahang magdudulot ng matinding lagay ng trapiko sa North Luzon Expressway (NLEX) ang closing ceremony ng 30th South East Asian (SEA Games) bukas, December 11.
Ito ay kung saan gaganapin ang closing ceremony ng SEA games sa Capas, Tarlac dakong ala 6:00 ng gabi.
Ayon sa Metropolitan Manila Development Authority (MMDA), kanilang inaasahan na dadagsa ang nasa 114 na bus sakay ang 9,000 delegado ng SEA Games at kanilang escort papunta ng New Clark City.
Samantala, muling ipapatupad ang stop and go traffic scheme mula South Luzon Expressway (SLEX), EDSA, Quezon Avenue, North Avenue, Mindanao Avenue, NLEX at Clark.
