Humingi ng paumanhin si Armed Forces of the Philippines (AFP) Chief of Staff Lt. Gen. Noel Clement sa magulang ni Cadet 4TH class Darwin Dormitorio, ang kadeteng nasawi dahil sa hazing sa Philippine Military Academy (PMA).
Ayon kay Clement, batid niyang hindi sapat ang pag-hingi niya ng paumanhin ngunit umaasa siya na maiintindihan siya ng magulang ni Dormitorio.
Aniya, makatitiyak ang mga magulang ng mga PMA cadets na hindi na mauulit pa ang nangyari kay Dormitorio, dahil mas gagawin niya ang lahat ng hakbang upang matuldukan na ang serye ng kalupitan sa PMA.
Kaugnay nito, iginiit din naman ni Clement na isolated case lamang ang nangyari kay Dormitorio —ulat ni Jaymark Dagala (Patrol 9)
