Iminungkahi ni BHW Partylist Representative Angelica Natasha Co ang pagpapatupad ng “christmas family bubble” para pahintulutan ang mga pamilya na maipagdiwang ang holiday season kasama ang kani-kanilang mga kamag-anak.
Ayon kay Co, nakapaloob sa kanyang iminumungkahing Christmas family bubble ang pag-isolate o pag-quarantine ng mga pamilya sa loob ng 14 na araw bago ang kanilang binabalak na pagtitipon-tipon.
Aniya, maganda rin kung makakapagpatest ang mga ito bago pumunta sa pagtitipon.
Dagdag pa ng mambabatas, maaaring gamitin ng Inter-Agency Task Force (IATF) ang NBA sports bubble bilang batayan kung paano ipapatupad ang Christmas family bubble.
