Nasawi sa pamamaril ang isang Chinese national sa isang restaurant sa Makati City, kagabi, ika-27 ng Pebrero.
Kinilala ang biktima na si Yin Jian Tao, 33-taong gulang at nakitang nakahandusay kasama ang isa pang biktima na sugatan na si Zheng Kai, 25-taong gulang.
Ayon kay Makati City Police Chief P/Col. Rogelio Simon, pagnanakaw ang kanilang nakikitang motibo sa naturang insidente.
Aniya, kanila nang nahuli ang dalawa sa tatlong suspek na pawang mga Chinese nationals din at nakuha dito ang bag ng biktima na may perang naglalamang P345,000.
Samantala, kinasuhan na ang mga nahuling suspek ng robbery with homicide habang pinaghahanap naman ang isa pang nakatakas na suspek.
