Natagpuang patay sa kanyang tahanan ang Chinese Ambassador to Israel na si Du Wei.
Ayon sa Ministry of Foreign Affairs ng Israel, hindi kahina-hinala ang pagkamatay ng 57 anyos na Chinese Ambassador.
Ang pagkamatay ni Wei ay naganap isang linggo matapos bumisita sa Jerusalem si US Secretary of State Mike Pompeo, kung saan binatikos nito ang aksyon ng China sa COVID-19 pandemic, gayundin ang naging panawagan nito sa mga Israeli leaders na itigil ang mga kasunduan sa pagitan ng Chinese companies.
Samantala, patuloy namang iniimbestiga ng mga otoridad sa Israel ang pagkasawi ni Wei sakanyang tinitirhan sa Herzliya sa Tel Aviv.
