Tinambakan ng Chicago bulls ang Dallas Mavericks sa iskor na 117-101.
Ito ay matapos na maitala ni Lauri Markkanen ng bulls ang season high score na 29 points kasama pa ang 20 rebounds at 3 assists.
Bukod kay Lauri, naka-iskor rin ng 21 points si Garret Temple.
Sinamantala ng bulls ang pagkawala ng limang manlalaro ng Mavs na sina Jalen Brunson, Dorian Finney-Smith, Maxi Kleber, Dwight Powell at Josh Richardson na naka-quarantine bunsod ng COVID-19.
Samantala, nanguna naman sa mavs si Kristaps Porzingis na nakapagtala ng 20 points at 8 rebounds habang nakapag ambag naman ng tig-10 puntos sina Willie Cauley-Stein at James Johnson.
