Iginiit ni 1-Pacman Party-List Representative Mikee Romero na pinatalsik at hindi nag-resign si Taguig-Pateros Representative Alan Peter Cayetano.
Matatandaan nang maluklok bilang house speaker si Marinduque Representative Lord Allan Velasco, sinabayan naman ito ni Cayetano ng pagpe-facebook live kung saan dito inanunsyo nito na nagbibitiw na ito bilang speaker.
Ayon kay Romero, bago pa man maghain si Cayetano ng irrevocable resignation ay napatalsik na ito sa isinagawang botohan ng mga kongresista sa Celebrity Sports Plaza.
Aniya, malinaw naman sa isinagawang sesyon noong Lunes na may mosyon na ipadeklarang bakante ang posisyon ng house speaker na sinundan naman agad ng nominasyon at pagluklok kay Velasco bilang bagong speaker ng mababang kapulungan ng kongreso.
