Muling inihayag ni bagong talagang Bureau of Corrections o BuCor Director Ronald Dela Rosa ang kagustuhan nitong tumakbo sa pagka-senador.
Ayon kay Dela Rosa, kung siya lamang ang masusunod, mas nanaisin niyang tumakbong senador sa darating na 2019 midterm elections.
Gayunman, paglilinaw ni Dela Rosa, nakasalalay pa rin sa pasiya ni Pangulong Rodrigo Duterte ang kanyang magiging susunod na hakbang.
Iginiit ni Dela Rosa, hindi niya maaaring suwayin ang kagustuhan ng Pangulo.
Una nang sinabi ni Dela Rosa na kanila pang pinag-uusapan ni Pangulong dutErte kung tuloy ang kanyang pagtakbo bilang senador o gobernador na lamang ng Davao del Sur.
—-
