Isinailalim na sa state of emergency ang bayan ng Rizal sa Laguna kasunod ng pagkasawi ng 12 katao at pagsugod sa ospital ng nasa 300 katao dahil sa nakalalasong lambanog.
Ayon kay Laguna Mayor Vener Munoz, nagdeklara sila ng state of emergency para mabigyan ng tulong pinansyal ang mga nakaratay na pasyente sa iba’t-ibang pagamutan sa lugar.
Samantala, ipinagbabawal na ang pagbebenta ng lambanog sa buong Calabarzon upang bigyan daan ang imbestigasyon sa “killer lambanog”.
