Hindi dapat masamain ang banta ni Bureau of Corrections Chief Dir. Gen. Gerald Bantag na kanyang “kakatayin” ang sinumang magtatangkang manuhol sa kanya.
Ito’y ayon kay Presidential Spokesman Salvador Panelo, kung saan sinabi nito na isang “political statement” lang ang banta ni Bantag dahil kagaya lamang nitong magsalita si Pangulong Rodrigo Duterte.
Paliwanag pa ni Panelo, isa lamang babala ang pahayag ni bantag upang ipabatid sa lahat na hindi siya tumatanggap ng suhol dahil seryoso siya sa kanyang tungkulin.
