Nagtalaga na si Pangulong Rodrigo Duterte ng bagong board member ng Philippine National Oil Company (PNOC).
Ito ang inanunsiyo ng Pangulo sa Oath taking ng mga bagong opisyal sa Malacañang kung saan hinirang nito si Michael Ted Macapagal bilang bagong miyember ng PNOC Board of Directors.
Si Macapagal, ay nagsilbi rin bilang dating member ng Clark Development Corporation bago siya italaga ng pangulo sa PNOC.
Una rito, inatasan ng Department of Energy (DOE) ang PNOC na madaliin ang importasyon ng petrolyo sa Saudi dahil sa nangyaring pag-atake sa dalawang oil companies sa naturang bansa.
Batay sa mga report, posibleng sumirit ang presyo ng petrolyo sa pandaigdigang merkado bunsod ng pag-atake.
