Maize Aliño-Dayundayon

Plantsado na ang security measures ng Quezon City Police District para sa 3 araw na selebrasyon ng Chinese New Year  sa lungsod.

Ayon kay QCPD Chief PBGEN. Red Maranan, itinalaga ang 200  pulis sa nasabing lungsod upang siguruhin ang kaligtasan at seguridad kasunod ng pagsasagawa ng iba’t ibang aktibidad.

Bukod rito, pinakamarami ang idedeploy na ground security, mga personnel ng civil disturbance management at mga tauhan ng district reactionary standby support force.

Paliwanag ng opisyal, ‘extensive ‘ ang naging security preparation para sa Chinese New Year Celebration sa lungsod ng Quezon kasabay ng pagdagsa ng maraming local at foreign tourists.

Samantala, sa ngayon ay wala pang natatanggap na anumang banta sa seguridad ang QCPD kasunod ng pagdiriwang  ng Chinese New Year.

 Hindi malayo na makuha ng Pilipinas ang inaasam na rice sufficiency sa taong 2028

Bukod rito, sa panayam ng dwiz sinabi ni National Irrigation Administration Administrator Eduardo Eddie Guillen, posible ring maabot ng bansa ang rice sufficiency ngayong taon kung maitataas ng ahensya ang “guild” at “cropping intensity” nito.

Binigyang diin pa ng opisyal na dapat lamang ibigay sa mga magsasaka ang kanilang mga pangangailangan tulad ng hybrid seeds upang mapaganda at mapataas pa ang ani ng mga ito.

Samantala, ikinadismaya ng opisyal ang kawalan ng pondo ng nia para sa mga pasilidad na masisira bunsod ng mga kalamidad sa bansa.

Tiniyak ni Pangulong Ferdinand Marcos Jr. na hindi makararanas ng kagutuman ang mga pilipino sa ilalim ng “Bagong Pilipinas”.

Ginawa ng pangulo ang pahayag matapos pangunahan ang sa Pampanga.

Hiniling din ni PPBM sa publiko na makipagtulungan sa pamahalaan upang makamtan ang magandang Pilipinas kung saan walang maiiwan.

Samantala, pinuri ni PBBM ang mga magsasaka sa kanilang pagsusumikap at dedikasyon na nag-ugat ng pagtaas ng produksyon ng bigas sa bansa noong nakalipas na taon.

Lalarga na sa ika- 5  sunod na linggo ang pagtaas sa presyo ng produktong petrolyo, epektibo bukas, Pebrero 6 .

Dahil dito, asahan na ang P1.30 hanggang P 1.50 dagdag sa kada litro ng Diesel.

Habang 0.60 hanggang 0.80 ¢  naman ang taas-presyo sa kada litro ng gasolina.

Magkakaroon din ng dagdag-presyo sa kada litro ng kerosene na 0.70 ¢  – P1.

Naitala ang paglago ng Ekonomiya ng Pilipinas sa huling bahagi ng nakalipas na taon.

Batay sa ulat, tumaas ito ng 6% mula sa preliminary estimate na 5.9%

Habang nakapagtala rin ng pagtaas sa major contributors sa upward revision ng manufacturing na 1.8 %  mula sa 1.7 %   , gayundin sa financial and insurance activities na 9.6 %  mula sa 9.5% at accommodation and food service activities na 21.0 % mula 20% .

Kaugnay nito, hindi gumalaw ang growth rate ng gross national income na 12.1 % habang bumaba naman sa 112.5 %  ang year on-year growth ng net primary income ng bansa sa  111.6 % .

“Takot ako makulong dahil kawawa mga apo ko”.

Ito ang inamin ni Senator Ronald “Bato” Dela Rosa kasunod ng mga espekulasyon na nasa bansa  na ang mga imbestigador ng International Criminal Court (ICC).

Paliwanag ng senador, mabuti kung sa Pilipinas lamang siya ikukulong at hindi sa “The Hague Netherland”.

Giit ni Senador Dela Rosa, hindi naman lahat ng nakukulong ay may kasalanan at hindi naman  siya takot kung talagang may nagawa siyang kasalanan. Ang ikinatatakot lang nya ay ang hindi makita ang kanyang mga apo.

Samantala, ikinatuwa ng senador ang muling paninindigan ni Pangulong Ferdinand Marcos Jr. Na hindi makikipagtulungan at hindi papayagan ng pamahalaan ang  pag iimbestiga sa bansa  ng mga  taga ICC. – sa ulat ni Cely-Ortega Bueno ( Patrol 19).

Bukas ang 80% porysento ng mga Pilipino na ibalik ang summer break sa buwan ng Abril at Mayo.

Ito ay batay sa isinagawang survey ng Pulse Asia noong June 19 hanggang 23, 2023

Kaugnay nito, sinuportahan naman ni Senador Sherwin Gatchalian ang naging hakbang ng department of education hinggil sa pagbabalik ng dating school calendar.

Paliwanag ni Senador Gatchalian, makapagbibigay ito ng pagkakataon sa mga mag-aaral na makasama ang kanilang mga pamilya higit lalo sa panahon ng tag-init kung saan karaniwang ginaganap ang family outing.

Busina para sa mga motorista!

Asahan na panibagong taas-presyo sa produktong petrolyo sa Martes, Enero 23.

Kung saan magkakaroon ng dagdag na ¢90 hanggang P1 at ¢20 ang kada litro ng gasolina

Habang ¢60  hanggang ¢90 naman ang taas-presyo sa kada litro ng diesel.

Asahan na rin ang ¢20 dagdag sa kada litro ng kerosene.

Inaasahang mangunguna pa rin ang Pilipinas pagdating sa pag-iimport ng bigas sa buong mundo ngayong taon.

Ito ang naging resulta ng ginawang pag-aaral ng Department of Agriculture ng Estados Unidos.

Habang pumapangalawa naman sa bansa ang China, sinundan ng Indonesia, European Union, Nigeria at Iraq.

Matatandaang sa datos ng Bureau of Plant Industry mula Enero 1 hanggang Disyembre 22 ng nakalipas na taon umabot na sa 3.22 million metric tons ang inangkat na bigas ng bansa.

Habang posible naman umabot sa 3.8 million metric tons ang aangkating bigas ng bansa ngayong taon.

Umapela muli ang gobyerno ng Pilipinas sa pamahalaan ng Indonesia para sa kapatawaran ni Overseas Filipino Worker Mary Jane Veloso na hinatulan ng kamatayan dahil sa umano’y drug trafficking.

Inihayag ang nasabing kahilingan bago dumating si Indonesian President Joko Widodo para sa official visit nito sa bansa.

Matatandaang inaresto si Veloso noong 2010 matapos mahulihan ng 2.6kg o 5.7 pounds ng heroin sa nasabing bansa.