Len Aguirre

Lumampas na sa 200,000 marka ang coronavirus disease 2019 (COVID-19) cases sa bansa makaraang i-anunsyo ng Department of Health (DOH) ang 5,277 bagong impeksyon.

Sa kabuuang ay umaabot na sa 202,361 COVID-19 cases sa bansa.

Sa mahigit limang libong bagong kaso pinakamalaki ang mula sa NCR na mahigit sa 3,000 kaso, Sinunsan ng Laguna, Negros Occidental, Rizal at Cavite.

Nakapagtala rin ng 99 na nasawi kung saan 77 dito ay nangyari ngayong Agosto, 18 nuong Hulyo, tatlo nuong Hunyo at isa nuong Mayo o kabuuang 3,137 mula nang magsimula ang pandemya.

Umabot na rin sa 133,460 ang recoveries at mahigit 65,000 ang nananatiling active cases.

JUST IN: Kaso ng COVID-19 sa bansa, nadagdagan pa ng 5,277 ngayong Miyerkules, Agosto 26.

Pumalo na sa kabuuang 202,361 ang bilang ng kumpirmadong kaso ng COVID-19 sa bansa. Mayroon namang 65,764 naitalang active cases. | https://t.co/HHOy7zaafm pic.twitter.com/PKHTpx6rWf

— DWIZ Newscenter (@dwiz882) August 26, 2020

Maluwag na tinanggap  ni Health Secretary Francisco Duque ang pagbibitiw sa pwesto ni PhilHealth President Ricardo Morales.

Ayon kay Health Undersecretary Maria Rosario Vergeire, nauunawaan ni Duque bilang chairman ng PhilHealth ang sitwasyong pang kalusugan ni Morales.

Sinabi ni Vergeire na kinikilala ni Duque ang mga nagawa ni Morales sa panahon ng pandemic para maibigay ang pangangailangan ng mga mamamayan sa pamamagitan ng PhilHealth.

Tiwala si Senador Imee Marcos na tinigilan na ng Pangulong Rodrigo Duterte ang pag-inom ng alak at pagkain ng mga ipinagbabawal ng doktor.

Reaksyon ito ni Marcos sa pag-amin ng pangulo na sinabihan siya ng doktor na maaaring mauwi sa stage one cancer ang kanyang Barrett’s  esophagus.

Kasabay nito ay umapela si Marcos sa mga taong nakapaligid sa pangulo na iwasang abutan ito ng baso o wag nang painumin ng alak at huwag na ring mag iskedyul sa gabi na maaari nitong ikapuyat.

Ayon kay Marcos, nagkakaraoke ang pangulo para ma relax pag-pressured sa trabaho pero karaniwan ay inaabutan ito ng alak.

Darating sa biyernes ng umaga ang labi ng 72 Overseas Filipino Workers (OFW)’s  na nasawi sa Saudi Arabia.

Ayon sa Department of Labor and Employment (DOLE), 62 sa mga OFW’s ang nasawi sa coronavirus disease 2019 (COVID-19)  samantalang nasawi sa ibang sakit ang 10 ba pa.

Apatnaput (40) sa mga darating na OFW’s ang magmumula sa al Khobar, 17 sa Jeddah at 15 sa Riyadh.

Sa ngayon ay umaabot na sa 264 na labi ng OFW’s mula sa Saudi Arabia ang naiuwi na sa bansa.

Samantala, nadagdagan pa ng pito ang bilang ng mga Pilipinong nagpositibo sa COVID-19 sa ibang bansa.

Sa datos ng Department of Foreign Affairs (DFA), umakyat na sa 10,035 ang bilang ng mga Pilipino na kumpirmadong positibo sa COVID-19 na nasa sa 73 bansa at rehiyon.

Sa nasabing bilang mahigit sa 3,000 pa ang patuloy na nagpapagamot sa iba’t ibang ospital.

Isang grupo ng mga pari, madre at mga abogado ang ika-30 petitioner  laban sa Anti-Terrorism Law.

Gamit ang kanilang right to freedom of religious expression, inihain ng Association of Major Religious Superiors of the Philippines sa Korte Suprema ang petisyon para ideklarang unconstitutional ang ilang bahagi ng Anti-Terror Law.

Ikinatwiran ng grupo sa kanilang petisyon na kumokontra ang batas sa social doctrine ng Simbahang Katolika.

Tinukoy sa petisyon ang mga turo ng turo ng Catholic church  na irespeto ang dignidad ng isang tao bilang imahe ng panginoon, karapatan para sa patas na proteksyon, paggalang sa due process at karapatan ng bawat isa sa batas.

Dati na ring lumaban sa martial law ang AMRSP at nagpapatuloy sa pagpapalaganap ng social justice sa kasalukuyan.

Halos nadoble na ang budget deficit ng bansa nitong Hulyo kung ikukumpara noong nakaraang taon.

Mula sa budget surplus na P1.8-bilyon noong Hunyo, nagtala ng mahigit sa P140-bilyon budget deficit ang bansa noong Hulyo.

Halos doble ito sa mahigit P75-bilyon na naitala noong Hunyo ng 2019.

Ang budget deficit ay nangangahulugan ng mas malaking gastos kumpara sa kinikita ng pamahalaan.

Ayon sa Bureau of Treasury, ang mataas na budget deficit ay repleksyon ng halos 11% pagtaas sa gastusin ng pamahalaan dahil sa pagtugon sa pandemic.

Nakatakdang magsumite ng resignation letter si PhilHealth President and CEO Ricardo Morales ngayong Miyerkules, ika-26 ng Agosto.

Ito ay matapos hingin ng Pangulong Rodrigo Duterte ang kanyang pagbibitiw sa puwesto sa harap ng alegasyon ng mga katiwalian sa PhilHealth.

Ayon kay Morales, buo ang ibinibigay nyang kooperasyon sa imbestigasyon ng Department of Justice sa PhilHealth.

Sa katunayan, pumirma na sya ng waiver sa bank secrecy upang mabusisi ang kanyang bank accounts at handa rin syang sumalang sa lifestyle check.

Nagpahayag ng pag-asa si Morales na mabibigyan sya ng patas na pagtrato sa imbestigasyon at malinis nya ang kanyang pangalan sa gitna ng mga natuklasang anomalya sa PhilHealth.

Sinabi ni Morales na sasamantalahin na rin nya ang pagkakataon ng pag-alis nya sa PhilHealth upang matutukan ang pagpapagamot sa kanyang sakit na lymphoma.

Pinawi ng Malacañang ang mga pangamba sa kalusugan ng Pangulong Rodrigo Duterte.

Sa harap ito ng pag-amin ng pangulo na sinabihan sya ng kanyang doktor na ang kanyang sakit na Barrett’s esophagus ay malapit nang maging stage 1 cancer.

Ayon kay Presidential Spokesman Harry Roque, hindi pa presidente ang pangulo nang sabihin ito ng kanyang doktor at umiinom pa ito noon ng alak.

Sinabi ni Roque na ang konteksto ng pahayag ng pangulo ay tumigil na sya sa pag-inom ng alak nang maging pangulo upang maiwasang lumala at maging cancer ang kanyang Barrett’s esophagus.

Binigyang diin ni Roque na malakas at malusog na maituturing ang pangulo para sa isang may edad na 75-taong gulang na.