Ikinatuwa ng Malakanyang ang resulta ng panibagong survey ng Social Weather Station.
Ito ay kung saan nakakuha ng 72% net satisfaction rating si Pangulong Rodrigo Duterte sa ika-apat na quarter sa taong 2019.
Ayon kay Presidential Communications Operations Office (PCOO) Secretary Martin Andanar, maaaring tumaas ang satisfaction rating ng pangulo dahil sa paninindigan nito at hindi pakikipag kompromiso sa tagilid na kontrata ng gobyerno sa Maynilad at Manila Water, kampanya kontra iligal na droga, at mga programa na tumutugon sa kahirapan ng mga Pilipino.
Aniya, ang naturang survey ay salamin ng pagsuporta ng publiko kay Pangulong Duterte.
Iginiit pa nito na nararamdaman na ng sambayanang Pilipino ang pagbabago sa lipunan simula nang maupo si Pangulong Duterte.
