Mayroon ng persons-of-interest ang pulisya sa nangyaring pananambang kay Shariff Aguak Vice Mayor Akmad Mitra Ampatuan.
Ayon kay Maguindanao 2nd District Rep. Esmael “Toto” Mangudadatu si Vice Mayor Ampatuan ang ama ni Shariff Aguak Mayor Marop Ampatuan na isa sa principal witness sa Maguindanao Massacre Case.
Aniya, posibleng paghihiganti ang motibo sa krimen lalo na’t nangyari ang pananambang ilang araw matapos na maibaba ang hatol sa mga akusado sa malagim na Maguindanao Massacre.
Matatandaang, sugatan ang Bise Alkalde habang patay naman ang dalawa nitong security aide matapos na pagbabarilin ng hindi pa nakikilalang mga armadong lalaki, kahapon. — ulat mula kay Ric Clet (DWIZ Mindanao Correspondent)
