Nananatili ang dedikasyon at determinasyon ng Armed Forces of the Philippines o AFP para pulbusin at lipulin na ang mga teroristang Abu Sayyaf sa lalawigan ng Sulu
Ayon kay AFP Spokesman Brig/gen. Restituto Padilla, mataas pa rin ang kanilang morale sa kabila ng pagkalagas ng 15 nilang mga kabaro
Malaking tulong aniya sa mga sundalo ang ipinararating sa kanilang suporta hindi lamang sa taumbayan kundi maging mismong sa pamahalaan partikular na sa kanilang commander in chief
Ang mga ginagawang pagbisita ng Pangulong Rodrigo Duterte sa mga kampo militar ayon kay Padilla ay lalong nagpapalakas sa kanilang loob na ipaglaban ang bansa mula sa mga kalaban ng kapayapaan at kaayusan
By: Jaymark Dagala
