Binabantayan ngayon sa California ang aabot sa 8,400 katao dahil sa banta ng 2019 coronavirus disease (COVID-19).
Ayon kay Governor Gavin Newsom, ang mga naturang bilang ay pawang mga residente lamang ng nasabing lugar.
Aniya, nasa 200 testing kits lamang ang mayroon sa California at kanilang inaasahan na madaragdagan pa ito sa mga susunod na araw.
Samantala, may kabuuang 60 na bilang naman ng kumpirmadong kaso ng COVID-19 sa buong Estados Unidos.
