Magkakaroon ng pansamantalang power interruption sa ilang bahagi ng Metro Manila at ilang mga kalapit nitong probinsya ngayong Linggo.
Batay sa abiso ng Meralco, kabilang sa mga maaapektuhan ang Sta. Rosa, Cabuyao City, Nagcarlan sa Laguna, Meycauayan, Calumpit sa Bulacan, General Trias City sa Cavite, Angono at Cainta Rizal.
Habang sa Metro Manila naman ay ilang lugar sa Quezon City, Manila, Caloocan City at Makati City.
Ang mga nabanggit na lugar ay maaapektuhan ng power interruption na magsisimula ngayong araw, Oktubre 5 na tatagal ng 7 araw o hanggang sa Oktubre 12.
Paliwanag naman ng Meralco, ang pansamantalang pagkawala ng kuryente ay bunsod ng maintenance work, facility relocation at pole replacement na isasagawa sa iba’t ibang sulok ng Luzon.
