Anim (6) sa bawat 10 manggagawang Pilipino ang nakabalik na sa kani-kanilang mga trabaho.
Ayon kay Pangulong Rodrigo Duterte, 63.1% ng mga manggagawang Pilipino ang nakapagtrabaho na simula noong ika-1 hanggang ika-15 ng Hunyo, o mula noong ibaba na lamang sa general community quarantine (GCQ) ang quarantine classification sa Metro Manila.
Mas mataas ito ng 10% kumpara noong ika-1 hanggang ika-15 ng Mayo.
Sa weekly report ng pangulo sa kongreso, nakasaad na 98% rin ng mga establisyimento ang muli nang nakapag-operasyon.
Dahil dito, tiwala si Pangulong Duterte na unti-unti nang bubuti ang lagay ng ekonomiya sa bansa dahil sa mas maluwag na quarantine protocols sa bansa.
