Nasawi ang anim na katao at dalawa ang sugatan, matapos na magwala at mamaril ang isang dating sundalo sa Calbayog City, Samar.
Agad ring namatay ang suspek matapos na makipagbarilan sa mga rumespondeng mga pulis.
Ayon sa Provincial Director ng Samar PNP na si Col. Andre Dizon, lasing ang suspek nang mangyari ang pamamaril.
Aniya, nag-ikot pa ito sa kanilang lugar at dito pinagbabaril ang lahat ng kanyang makita sa daan.
Dagdag pa ni Dizon na kilala s akanilang lugar ang suspek na pinagmumulan umano ng gulo.
Sa ngayon, iniimbestigahan pa ng mga otoridad ang dahilan ng pagwawala ng dating sundalo.
