Limang ospital ang target ng Department of Health (DOH) para sa phase 3 ng mga clinical trial ng anti COVID-19 vaccine na gawa ng China based Sinovac Biotech.
Kabilang sa mga ospital na ito ayon kay Health Undersecretary Maria Rosario Vergeire ay Philippine General Hospital., San Lazaro Hospital, Manila Doctors Hospital, RITM at Vicente Sotto Medical Center.
Sinabi ni Vergeire na wala pang detalye ang phase 3 ng clinical trials bagamat tuloy-tuloy ang pagsusumite ng final confidentiality disclosure agreement at pinag-aaralan na ito ng vaccine experts panel.
Nakikipag-ugnayan na aniya ang gobyerno sa 16 na iba pang vaccine manufacturers sa buong mundo para magkaroon ng access ang bansa sa anti COVID-19 vaccine.
