Naharang ng Bureau of Customs ang tatlong kahina-hinalang magnetic lifters sa Mindanao International Container Terminal o MICT sa Misamis, Oriental.
Ayon kay MICT Collector John Simon, hinihintay na lamang nila ang ilang mga eksperto upang mabuksan ang mga magnetic lifters dahil sa kapal ng mga bakal nito.
Samantala, tumanggi naman ang pamunuan ng MICT na pangalanan ang may ari ng kargamento hangga’t hindi pa natitiyak kung may laman itong iligal na droga.
Matatandaang, naging kontrobersiyal ang mga magnetic lifters matapos itong gawing lalagyan ng 11 bilyong piso halaga ng shabu na ipinuslit papasok ng bansa.
