Nasa poder na ng Philippine National Police (PNP) ang dalawang testigo sa pagpaslang kay Ako Bicol Party-list Representative Rodel Batocabe.
Ayon sa pulisya, nakuhanan na nila ng pahayag ang dalawang testigo na maaring magbigay impormasyon hinggil sa pagkakakilanlan ng mga utak sa likod ng naturang krimen.
Una rito, pumalo na sa P50 million ang alok na pabuya ni Pangulong Rodrigo Duterte sa sinumang makakapagturo sa pagkakakilanlan ng mga suspects.
Matatandaang, Disyembre 22 ng tambangan si Batocabe at kaniyang police escort na si SPO1 Orlando Diaz sa isang gift giving sa Daraga, Albay.
