Sinibak na ang dalawang pulis na sangkot sa umano’y pambubugbog sa isang lalaki sa General Trias, Cavite nakaraang linggo.
Ayon kay General Trias Police Office Chief Lt. Col. Marlon Solero, ang pagsibak kina Cpl. Barte at Cpl. Villostas ay para mabigyan ng patas na imbestigasyon sa reklamong ibinabato sa mga ito.
Samantala, mariing namang itinanggi ni Cavite Provincial Police Office Director P/Col. Marlon Santos ang alegasyon laban sa dalawang pulis na umano’y nambugbog sa lalaking si Rommel Campo.
Magugunitang pinagtulungan umano ng mga pulis si Campo matapos tumakas sa mga barangay tanod na humuhuli sa kanya dahil sa paglabag sa community quarantine.
Kasalukuyan nang ginagamot sa ospital si Campo na mahaharap naman sa reklamong paglabag sa Bayanihan To Heal As One Act, disobedience to a person in authority, curfew, liquor ban at qualified trespass o dwelling.
