Patay ang dalawa katao, habang nasa anim naman ang naitalang sugatan matapos ang naganap na pagsabog sa Tulunan, Cotabato.
Ito mismo ang kinumpirma ni Tulunan Mayor Michael Limbungan kung saan naganap anya ang pagsabog kaninang alas dose y medya ng tanghali.
Batay sa impormasyon mula sa mga otoridad, nangyari ang pagsabog sa may harapan ng ticketing booth sa Barangay Sibsib, habang nagsasakay ng mga pasahero ang isang pampasaherong bus.
Sa ngayon, patuloy pa ring iniimbestigahan ng mga otoridad ang nasabing insidente.
