Kinumpirma ni Justice Secretary Menardo Guevarra na ang bagong talagang hepe ng Philippine National Police (PNP) na si Police Chief Major General Debold Silas ay nahaharap sa 2 reklamo hinggil sa nangyaring Mañanita sa kanyang kaarawan noong Mayo.
Ayon kay Guevarra ang isang kaso nito ay nakabinbin pa sa Office of the City Prosecutor Taguig na siyang isinumite ng kapwa nito pulis habang ang isa pang kaso ay isinampa naman ng National Bureau of Investigation.
Kinumpirma naman ng isang tauhan ng Department Of Justice (DOJ) na ang reklamo na nakabinbin sa Taguig prosecutor’s office kaugnay paglabag ni sinas sa quarantine protocols ay naipasa na para sa resolusyon.
Bukod dito, matatandaang nahaharap din si Sinas sa reklamong paglabag sa domicile nang pangunahan nito ang isang grupo ng mga pulis na sapilitang nagpapalayas sa isang pamilya ng retiradong pulis na naninirahan sa ibinigay na pabahay ng pulisya sa Taguig.
