11 pasyente sa Baguio City ang gumaling mula sa coronavirus disease 2019 (COVID-19).
Ayon kay Baguio City Mayor Benjamin Magalong, 15 ang kabuuang bilang ng mga nagpositibo sa COVID-19 sa kanilang lungsod.
11 sa mga ito ang nakarekober na, habang tatlo na lamang ang nananatili sa mga ospital.
Sa ngayon, tiniyak naman ni Magalong na mahigpit na ipinapatupad sa lalawigan ang mga health protocols gaya na lamang ng 24 hour curfew na naglalayong malimitahan ang paglabas ng residente, maliban na lamang kung para sa mga importanteng bagay gaya na lamang nang pagbili ng pagkain at gamot.
