Kinumpirma ni Quezon City Mayor Joy Belmonte na isa sa 10 kumpirmadong kaso ng 2019 coronavirus disease (COVID-19) ang mula sa kanilang lungsod.
Sa isang panayam, sinabi ni Mike Marasigan, pinuno ng Quezon City Disaster Risk Reduction and Management Council na kumikilos na ang lokal na pamahalaan ng Quezon City upang matukoy ang mga indibidwal na nakasalamuha ng nasabing pasyente.
Sa ngayon, pinayuhan ng Quezon City government ang publiko na magdoble ingat ngunit manatiling mahinahon sa harap ng naitalang kaso ng COVID-19 sa kanilang lugar.
