Hinamon ni House Minority Leader at Bayan Muna party-list Representative Carlos Isagani Zarate ang mga opisyal ng pamahalaan na mamuhay lamang sa budget na P71.00 kada araw.
Ito ay matapos sabihin ni Philippine Statistics Authority Assistant Secretary Rosalinda Bautista na nasa P10,727 lamang ang kinakailangang pondo ng isang pamilyang may limang miyembro para makapamuhay ng maayos sa isang buwan.
Ayon kay Zarate, nakakainsulto ang nabanggit na pahayag sa panahong hirap na ang mga mamamayan sa mataas na bilihin, buwis at mababang pasahod.
Iginiit pa ni Zarate, posibleng ginagamit lamang din ng pamahalaan ang nasabing datos para bigyang katwiran ang hindi pagtataas sa sahod ng mga manggagawa.
