Nadagdagan ang antas ng tubig sa Angat Dam sa nakalipas na magdamag.
Ito, ayon sa Hydrology Division ng PAGASA, ay matapos pumalo sa 196.67 meters ang water level alas-6 kaninang umaga ng Angat Dam kumpara sa 196.23 antas nito kahapon.
Tumaas din ang water level sa Ipo, Ambuklao, Binga, Magat at Caliraya dams.
Nabawasan naman ang antas ng tubig sa San Roque at Pantabangan dams, samantalang nanatili ang water level ng La Mesa Dam.