Hinimok ni Vice President Leni Robredo si Pangulong Rodrigo Duterte na huwag pirmahan ang Executive Order na nagbabawal sa mga agricultural land na i-convert para iba pang gamit sa loob ng dalawang taon
Ayon kay Robredo na siyang Chairman ng Housing and Urban Development Coordinating Council o HUDCC, tiyak na maaantala ang mga pagpoproseso sa mga pabahay at lalaki pa ang kanilang backlog
Kabilang na aniya rito ang resettlement para sa mga biktima ng super bagyong Yolanda at iba pang mga lugar na tinamaan ng kalamidad dahil sa agricultural zones ang karamihan sa paglilipatan sa mga apektado
Magugunitang si Agrarian Reform Secretary Rafael Mariano ang naglatag ng nasabing panukala nuong isang buwan bilang bahagi ng hakbang para matiyak ang sapat na suplay ng pagkain sa bansa
By: Jaymark Dagala