Dalawa agad na pag atake ang isinagawa ng New Peoples Army (NPA) sa kabila ng unang araw pa lamang ng pag-iral ng ceasefire sa pagitan ng gobyerno at CPP-NPA.
Kahapon ng umaga, 2 pulis ang nasugatan matapos na pasabugan ng landmine ng mga rebelde ang tropa ng pulis sa Iloilo.
Sinundan pa ito ng isa pang pag atake na nangyari naman sa Labo, Camarines Norte kung saan 1 sundalo ang patay at 6 ang sugatan.
Pinaulanan ng bala at pinasabugan pa ng improvised explosive device ng mga rebelde ang isang platoon ng sundalo sa Barangay Baay.
Pabalik na umano sa kampo ang mga sundalo nang mangyari ang pag atake.
Matatandaang nagkasundo ang dalawang panig na magpatupad ng tigil putukan bilang pagbibigay daan sa pagdiriwang ng kapaskuhan.