Muling nakaranas ng pagbira mula sa United Nations ang Pangulong Rodrigo Duterte.
Sumentro sa pagkontra ng Pangulong Duterte sa mga imbestigasyon ng human rights institutions sa human rights violations ang talumpati ni UN High Commissioner for human rights Zeid Ra’ad Al Hussein sa 33rd session ng human rights council.
Ayon kay Al Hussein, makikita sa mga pananalita ng Pangulong Duterte na hindi nya naunawaan ang trabaho ng mga institusyong nangangalaga sa karapatang pantao at kung paanong ang mga prinsipyong ipinatutupad ng mga ito ay nakakatulong sa kaligtasan at kapayapaan ng isang lipunan.
Maituturing anyang pangmamaliit sa pantay na hustisya sa isang bansa ang tila pagbibigay ng kapangyarihan ng Pangulong Duterte sa mga pulis na pumatay ng mga hinihinala pa lamang naman na sangkot sa illegal drugs.
Matatandaan na ilang beses ring binatikos ni Pangulong Duterte ang ilang miyembro ng United Nations na pumupuna sa istilo ng kanyang giyera kontra illegal drugs.
By: Len Aguirre