Hinaharang ni Senador Antonio Trillanes IV ang kumpirmasyon ni Justice Secretary Vitaliano Aguirre sa pagdinig ng Commission on Appointments (CA).
Hiniling ni Trillanes sa Justice Committee ng komisyon na imbestigahan ang mga usaping kinasasangkutan ng kalihim.
Kabilang dito ang pang-iinsulto kay Senadora Leila de Lima, pagbabalik ng pribilehiyo sa ilang high profile inmates na nakakulong sa AFP Custodial Center at ang kaugnayan nito kay Retired Police General Wally Sombero.
Mariin namang itinanggi ni Aguirre ang mga alegasyong binitawan ni Trillanes at sinabing handa siyang harapin ang magiging kapasyahan ng komisyon.
By Jaymark Dagala | Report from Cely Bueno (Patrol 19)
