Hindi pa uusad ang trial proper sa kasong plunder nina Janet Lim-Napoles at Gigi Reyes kaugnay ng pork barrel fund scam.
Ito’y matapos maglabas ng desisyon si Sandiganbayan Presiding Justice Amparo Cabotaje-Tang na magsasagawa ng pre-trial sa Oktubre 27 at hindi trial proper dahil hindi pa handa rito ang office of the special prosecutor.
Sinasabing natuklasan ng korte na walang pre-trial briefs ang prosecution team ng gobyerno at hindi handang i-presenta ito.
Sa kaso naman ni Senator Juan Ponce Enrile, hihintayin muna ng Sandiganbayan ang pinal na desisyon ng Korte Suprema sa bill of particulars na inihihirit ng Senador.
Samantala, pinatawan naman ng multa ni Justice Samuel Martires si Government Prosecutor Edwin Gomez dahil sa kawalan nito ng kopya ng pre-trial briefs sa kaso nina Napoles at Reyes.
By Jelbert Perdez