Nangako ang pamunuan ng Toll Regulatory Board (TRB) na hahanap ng paraan para mapagaan ang daloy ng trapiko sa isang bahagi ng North Luzon Expressway (NLEX).
Ito ay matapos mapaulat ang napakabigat na daloy ng trapiko sa mga toll plaza ng NLEX sa Quezon City.
Ayon kay TRB Spokesperson Bert Suansing, isa sa mga dahilan ng congestion ay ang mga truck.
Aniya, pwede lamang dumaan ang truck sa pinakalabas na lane ng NLEX Mindanao Avenue Toll Plaza ngunit ang ilan ay pumupunta sa iba pang lane.
Paliwanag ni Suansing, gagawan nila ng paraan para masulusyonan ang naturang problema.
Bukod dito, hinikayat din ng pamunuan ng TRB ang mga motorista na kumuha ng Radio Frequency ID (RFID) Sticker para sa mas mabilis na transaksyon sa NLEX.