Pinahihigpitan ni PNP Chief Director General Ronald ‘Bato’ dela Rosa ang seguridad sa mga kilalang puntahan ng mga turista sa bansa.
Ito’y bilang bahagi pa rin ng pinaiiral na state of emergency bilang pag-iingat sa anumang banta ng terorismo.
Ayon kay Dela Rosa, dapat maging ligtas ang mga turista sa bansa lalo malaki ang epekto kapag may nakalusot na pambobomba at madadamay ang mga dayuhan.
Dahil dito, pinalakas pa lalo ng PNP ang police visibility at intelligence gathering sa mga posibleng pag-atake sa mga tourist spot matapos ang naging pambobomba sa night market sa Davao City.
By Jaymark Dagala