Sugatan ang tatlo (3) katao sa pagsabog ng isang gasolinahan sa Shaw Boulevard sa Mandaluyong City, kahapon.
Ayon kay Senior Fire Officer 2 Danilo Yumol ng Mandaluyong City Fire Station, alas-5:00 ng hapon nang magsimula ang sunog matapos madali ng backhoe ang isang tangke ng LPG habang hinuhukay ang lugar.
Kabilang sa mga nasugatan ang mismong drayber ng backhoe, fish ball vendor at isang magbabalot na agad namang dinala sa VRP Hospital at Mandaluyong City Medical Center.
Umabot ng unang alarma ang sunog na tumagal ng mahigit 20 minuto bago naapula.
Iniimbestigahan na ng mga awtoridad ang nangyaring sunog.
Samantala, nagpadala naman na ng technical team ang Department of Energy o DOE para alamin kung nagkaroon ng pagkukulang ang kumpanyang Petron.
—-