Nadagdagan ang listahan ng Ninoy Aquino International Airport (NAIA) ng matatapat na personel na nagsauli ng pera.
Kaninang umaga ay isinauli ng isang wheelchair attendant na si Rizaldy ocde, ang nadampot nitong sling bag na naglalaman ng pitong daang libong piso (P700,000) at iba pang mahalagang gamit.
Sinabi ni Col. Tim Cruz, na kanilang napag-alaman na nagpapalit ng pera ang may-ari ng sling bag na si Mary Jane Gane at nakalaan ang pera sa pagbili ng bahay ng kanyang pamilya.
Nito namang Huwebes ay isinauli ng taxi driver na si Antonio Infanta ang sling bag na naglalaman ng dalawang daan at dalawampung libong piso (P220,000) at mahahalagang dokumento na naiwan ng kanyang pasaherong si Benjamin Cantanero.
Pinuri naman ni Airport General Manager Ed Monreal ang mga tauhan ng airport na agad rumesponde sa hininging tulong ng mga pasahero at sa pagiging tapat nina Ocde at Infanta.
By Katrina Valle | Report from: Raoul Esperas (Patrol 45)