Asahan na ang mas mataas na singil sa kuryente sa susunod na taon, oras na maipatupad na ang Tax Reform for Acceleration and Inclusion o TRAIN program ng Duterte administration.
Kasunod ito ng ipapataw na mas mataas na buwis sa ‘coal’ at mas mataas na excise tax sa langis.
Sinabi ni Bayan Muna Representative Carlos Zarate na ang power sector ang isa sa matatamaan ng tax reform program at ang mga consumer ang magpapasan nito lalo na ang mga mahihirap sa Mindanao na nakadepende lamang sa coal ang kanilang kuryente.
Paliwanag pa ni Zarate, sa unang taon nang pagpapatupad ng TRAIN, nasa 14 pesos ang magiging dagdag sa mga kumukonsumo ng 200 kilowatt hour kada buwan habang 21 pesos naman sa mga kumukonsumo ng 300 kilowatt hour.
—-