Pinutol na ng Milwaukee Bucks ang sunud-sunod na panalo ng Golden State Warriors.
Inilampaso ng Milwaukee ang Golden State sa score na 108-95 sa homecourt ng Bucks.
Kumamada ng 28 points si Greg Monroe para sa Bucks habang nag-ambag ng triple double o 11 points, 12 rebounds at 10 assists ang kanyang teammate na si Giannis Antetokounmpo.
Ang Milwaukee ang unang koponan na tumalo sa defending NBA champions na Warriors.
Samantala, ikinadismaya naman ni Stephen Curry ng Golden State ang kanilang unang pagkatalo habang aminado ang kanilang coach na si Luke Walton na wala namang perpekto sa sports at inaasahan nila na ma-ma-mantsahan din ang kanilang record.
By: Drew Nacino